Shri Hit Chaurasi, pad 66

विहरत दोऊ प्रीतम कुंज।
अनुपम गौर स्याम तन सोभा वन वरषत सुख पुंज।।
अद्भुत खेत महा मनमथ कौ दुंदुभि भूषन राव।
जूझत सुभट परस्पर अँग अँग उपजत कोटिक भाव।।
भर संग्राम अमित अति अबला निद्रायत काले नैन।
पिय के अंक निसंक तंक तन आलस जुत कृत सैंन लालन मिस आतुर पिय परसद उरु नाभि ऊरजात।
अद्भुत छटा विलोकि अवनि पर विथकित वेपथ गात।।
नागरि निरखि मदन विष व्यापित दियौ सुधाधर धीर।
सत्वर उठे महामधु पीवत मिलत मीन मिव नीर।।
अवहीं मैं मुख मध्य विलोके बिंबाधर सु रसाल।
जागृत त्यौं भ्रम भयौ परयौ मन सत मनसिज कुल जाल।।
सकृदपि मयि अधरामृत मुपनय सुंदरि सहज सनेह।
तव पद पंकज को निजु मंदिर पालय सखि मम देह।।
प्रिया कहति कहु कहाँ हुते पिय नव निकुंज वर राज।
सुंदर वचन वचन कत वितरत रति लंपट बिनु काज।।
इतनौं श्रवन सुनत मानिनि मुख अंतर रहयौ न धीर।
मति कातर विरहज दुख व्यापित बहुतर स्वास समीर।।
(जै श्री) हित हरिवंश भुजनि आकरषे लै राखे उर माँझ।
मिथुन मिलत जू कछुक सुख उपज्यौ त्रुटि लव मिव भई साँझ

viharat dooo preetam kunja.
anupam gaur syaam tan sobhaa van varashat sukh punja.
adbhut khet mahaa manamath kau dundubhi bhooshan raava.
joojhat subhat paraspar ang ang upajat kotik bhaava.
bhar sangraam amit ati abalaa nidraayat kaale naina.
piy ke ank nisank tank tan aalas jut krit sainn laalan mis aatur piy parasad uru naabhi oorajaata.
adbhut chhataa viloki avani par vithakit vepath gaata.
naagari nirakhi madan vish vyaapit diyau sudhaadhar dheera.
satvar uthe mahaamadhu peevat milat meen miv neera.
avaheen main mukh madhy viloke binbaadhar su rasaala.
jaagrit tyaun bhram bhayau parayau man sat manasij kul jaala.
sakridapi mayi adharaamrit mupanay sundari sahaj saneha.
tav pad pankaj ko niju mandir paalay sakhi mam deha.
priyaa kahati kahu kahaan hute piy nav nikunj var raaja.
sundar vachan vachan kat vitarat rati lanpat binu kaaja.
itanaun shravan sunat maanini mukh antar rahayau n dheera.
mati kaatar virahaj dukh vyaapit bahutar svaas sameera.
(jai shree) hit harivansh bhujani aakarashe lai raakhe ur maanjha.
mithun milat joo kachhuk sukh upajyau truti lav miv bhaee saanjh