Shri Hit Chaurasi, pad 29

ब्रज नव तरुनी कदंब मुकुट मनि स्यामा आजु बनी ।
नख सिख लौं अंग अंग माधुरी मोहे स्याम धनी।।
यौं राजत कबरी गुंथित कच कनक कंज वदनी ।
चिकुर चंद्रिकनि बीच अरध बिधु मानौं ग्रसित फनी ।।
सौभग रस सिर स्त्रवत पनारी पिय सीमंत ठनी ।
भृकुटि काम कोदंड नैंन सर कज्जल रेख अनी ।।
तरल तिलक तांटक गंड पर नासा जलज मनी ।
दसन कुंद सरसाधर पल्लव प्रीतम मन समनी ।।
चिबुक मध्य अति चारु सहज सखि साँवल बिंदु कनी ।
प्रीतम प्रान रतन संपुट कुच कंचुकि कसिब तनी भुज मृनाल वल हरत वलय जुत परस सरस श्रवनी स्याम सीस तरु मनौं मिडवारी रची रुचिर रवनी ।।
नाभि गम्भीर मीन मोहन मन खेलत कौं हृदनी ।
कृस कटि पृथु नितंब किंकिनि वृत कदलि खंभ जघनी ।।
पद अंबुज जावक जुत भूषन प्रीतम उर अवनी ।
नव नव भाइ विलोभि भाम इभ विहरत वर कारिनी ।।
(जै श्री) हित हरिवंश प्रसंसिता स्यामा कीरति विसद घनी ।
गावत श्रवननि सुनत सुखाकर विस्व दुरित दवनी

braj nav tarunee kadanb mukut mani syaamaa aaju banee .
nakh sikh laun ang ang maadhuree mohe syaam dhanee.
yaun raajat kabaree gunthit kach kanak kanj vadanee .
chikur chandrikani beech aradh bidhu maanaun grasit phanee .
saubhag ras sir stravat panaaree piy seemant thanee .
bhrikuti kaam kodand nainn sar kajjal rekh anee .
taral tilak taantak gand par naasaa jalaj manee .
dasan kund sarasaadhar pallav preetam man samanee .
chibuk madhy ati chaaru sahaj sakhi saanval bindu kanee .
preetam praan ratan sanput kuch kanchuki kasib tanee bhuj mrinaal val harat valay jut paras saras shravanee syaam sees taru manaun midavaaree rachee ruchir ravanee .
naabhi gambheer meen mohan man khelat kaun hridanee .
kris kati prithu nitanb kinkini vrit kadali khanbh jaghanee .
pad anbuj jaavak jut bhooshan preetam ur avanee .
nav nav bhaai vilobhi bhaam ibh viharat var kaarinee .
(jai shree) hit harivansh prasansitaa syaamaa keerati visad ghanee .
gaavat shravanani sunat sukhaakar visv durit davanee